ສະມາຊິກພັກ-ພະນັກງານ ໜ່ວຍພັກກົມການຄ້າພາຍໃນ ກະຊວງອຸດສາຫະກໍາ ແລະ ການຄ້າ ເຂົ້າວາງກະຕ່າດອກໄມ້, ທັດສະນະສຶກສາ ແລະ ຢ້ຽມຊົມອະນຸສອນສະຖານ ທ່ານ ໜູຮັກ ພູມສະຫວັນ
ເພື່ອເປັນການສ້າງຂະບວນການຂໍ່ານັບຮັບຕ້ອນກອງປະຊຸມໃຫຍ່ ຄັ້ງທີVI ຂອງໜ່ວຍພັກກົມການຄ້າພາຍໃນ ກະຊວງອຸດສາຫະກໍາ ແລະ ການຄ້າ, ໃນຕອນເຊົ້າຂອງວັນທີ 31 ມັງກອນ 2025 ໜ່ວຍພັກກົມການຄ້າພາຍໃນ ນໍາໂດຍສະຫາຍ ສັນຕິສຸກ ພູນສະຫວັດ ເລຂາໜ່ວຍພັກກົມການຄ້າພາຍໃນ ພ້ອມດ້ວຍຄະນະໜ່ວຍພັກ, ສະມາຊິກພັກ-ພະນັກງານ ພາຍໃນກົມການຄ້າພາຍໃນ ໄດ້ເຂົ້າວາງກະຕ່າດອກໄມ້, ຢ້ຽມຊົມ ແລະ ທັດສະນະສຶກສາ ຢູ່ທີ່ອະນຸສອນສະຖານ ທ່ານ ໜູຮັກ ພູມສະຫວັນ ເພື່ອຮຽນຮູ້ ກ່ຽວກັບ ຊີວິດ ແລະ ພາລະກິດປະຕິວັດຂອງເພີ່ນ ໂດຍສະເພາະຄຸນສົມບັດຂອງຜູ້ນໍາທີ່ມີຄຸນສົມບັດສິນທໍາປະຕິວັດ, ສັດຊື່ ຕໍ່ປະເທດຊາດ ແລະ ຕໍ່ປະຊາຊົນ ກໍຄືແບບແຜນການດຳລົງຊີວິດທີ່ລຽບງ່າຍ, ປະຢັດມັດຖະຢັດ ແລະ ປອດໃສ.
